Daxuyaniya piştgirîkirina banga greva giştî ya di duyemîn salvegera qetilkirina Jîna Emînî de ji aliyê hikûmeta Îranê

Ji roja kuştina Jîna Emînî ve heta niha Rojhilatê Kurdistanê û Îran bi asta herî bilind a binpêkirina mafên mirovan re rû bi rû mane. Girtinên keyfî, îşkencekirin, îdamkirin û tepeserkirina sîstematîk ji aliyê dezgehên ewlekarî yên hikûmeta Îranê ve bûye pratîkeke rojane. Tevî şermezarkirina navneteweyî jî, rayedarên Îranê bi awayekî hovane li dijî Kurdan û dengên din ên muxalîf xwe didomînin.

Li hemberî vê rewşê, tevger û helwesteke hevpar pêwîst e!

Bi helkefta duyemîn salvegera qetla hikûmetî a Jina, çalakvanên medenî û mafên mirovan ji nav welat, roja yekşemî 25 Eylûla 1403 (15.09.2024) li seranserê Rojhilatê Kurdistanê banga greva giştî kirin.

Em rêxistinên sivîl û mafên mirovan ên ku li jêr rêzkirî ne, piştevaniya xwe ji vê bangê re radigihînin û bang li hemû pêkhateyên Kurdistanê û civaka Îranê dikin ku di vê rojê de bi helwesteke sivîl û aştiyane beşdarî greva giştî bibin. Her wiha em bang li civaka navneteweyî dikin ku bi baldarî guh bidin binpêkirinên mafên mirovan ên Kurd li Îranê.

10 Eylûl a 2024

Rêxistinên civaka sivîl û mafên mirovan:

-          Rêxistina Mafên Mirovan HANA

-          Rêxistina Cîhanî ya Kurdî

-          Rêxistina Hanay Rojhilat

-          Navenda Zagros ji bo Mafên Mirovan

-          Navenda Nûçegihanên Mafên Mirovan a Kurdistanê

-          Navenda Mafên Mirovan a Rojhilatê Kurdistanê «Çawnews»

-          Navenda Netewî ya Rojhilatê Kurdistanê

-          Navenda Mafên Mirovan a Rojhilatê Kurdistanê

-          Navenda Parastina Demokrasiyê li Îranê – Holanda

-          Ajansa Nûçeyan a Rojhelat

-          Rêxistina Alîkariya Însanî ya Keleha Dim Dim

-          Encûmena Girtiyên Siyasî yên Rojhilatê Kurdistanê

-          Rêxistina Vejîna Kurdistanê

-          Projeya Demokratîk a Kurdistana Îranê

-          Navenda Çiwarbax

-          Kurdistan Online

-          Navenda Roja Kurdî

-          Navenda Çanda Kurd-Swîsre

-          Jinamedia

-          Nêday Zagros